Dimana Mereka Sekarang

Tompek Jatuh Lai Dikonang dan kato pepatah petitih jauh mencari suku dokek mencari kodin.Bukan suku atau kodin yang dicari tapi kok ado yo lah kawan kawan lamo dalam gambar kek sobolah ni bolehlah kalau nak nyapo-nyapo den kak sini hah. Itu pun kalau kau orang tontu lai pemandangan tu, kalau tak cam apo nak buek.Kalau kau tak borapo cam gambar tu kek mana hah, den nak bosurahlah sikit. Gambar ni nak ambik maso motohari nak naik, itu sobab somuo eh korot yo muko eh. Kalau tak silap cino tukang gambar ni kodai Bee Cun. Tokona yo lah maso tu. Kek mano kodai ni.....?Gambar Darjah Satu Tahun 1968. Sekolah Kebangsaan Seri Menanti, Negeri Sembilan. (Sekarang Sekolah Kebangsaan Tengku Laksamana Nasir). Dalam 44 orang murid tu tak kan sorang pun tak cam muko masing-masing.Den yang mano satu ye.Kadang-kadang den pun tak cam. Tapi yang pasti kito somuo eh kiut miut maso tu. Cubo-cubolah kau orang perati dan amat-amati wajah kau orang maso tu dan bandingkan dongan sokarang. Den sajo biarkan den tak bonama sopayo kau orang dapek mengaktifkan pikiran kau orang balik.Cukuplah sotakat ni dulu untuk kali ni kok ado joki kito jumpo lai dalam laman ni. Somontaro tu dan tinggakan kau orang dengan petitih ni kalau datang nampak dopan, balik nampak belakang.